मोरङको बिराटनगर महानगरपालिका- ६ केशलियाबाट स्रोत नखुलेको नेपाली नगद सहित १ जनालाई प्रहरीले पक्राउ गरेको छ । हिजो साँझ साढे ५ बजे केशलिया मार्गमा को.७ प ५२२१ नम्बरको मोटरसाईकल चालक देवानगंज गाउँपालिका- ५ सुनसरीका ४९ बर्षीय सुरेन्द्र प्रसाद साहलाई जिल्ला प्रहरी कार्यालय मोरङबाट खटिएको प्रहरी टोलीले शंकास्पद अवस्थामा फेला पारी चेकजाँच गर्दा उनको साथबाट श्रोत नखुलेको नेपाली नगद १९ लाख ९० हजार रुपैया फेला पारी पक्राउ गरेको हो । पक्राउ परेका उनको सम्बन्धमा थप अनुसन्धान भइरहेको छ ।
प्रकाशित मिति: २०२३-१२-२८ , समय : २१:३०:१४ , १२ महिना अगाडि
