झापाको बिर्तामोड नगरपालिका-७ का ३० बर्षिय सुरेश पराजुलीलाई कटुवा पेस्तोल सहित प्रहरीले नियन्त्रणमा लिएको छ । हिजो साँझ बिर्तामोड-७ का सुरेश पराजुलीको घरमा अबैध हात हतियार लुकाई राखेको छ भन्ने बिशेष सुचानाको आधारमा इलाका प्रहरी कार्यालय अनारमनीबाट खटिएको प्रहरी टोलीले पराजुलीको घर कोठा तथा ग्वाली खानतलासी गर्दा ग्वालीमा लुकाई छिपाई राखेको अवस्थामा १ थान कटुवा पेस्तोल बरामद गरेको हो । कटुवा पेस्तोल सहित पक्राउ परेका पराजुलीको इलाका प्रहरी कार्यालय अनारमानीबाट आवश्यक थप अनुसन्धान कार्य भईरहेको छ ।
प्रकाशित मिति: २०२४-०७-०१ , समय : १६:३६:१३ , ६ महिना अगाडि
