बर्जु,१५ असार । १५ असार अर्थात राष्ट्रिय धान दिवस तथा रोपाई महोत्सवको अवसरमा बर्जु ६ चिमडीमा रोपाइँ गरिएको छ । रणकाली कृषि सहकारी संस्था लिमिटेडको आयोजनामा राम टोलमा सनिवार रोपाई महोत्सवको आयोजना गरिएको सहकारीका व्यवस्थापक दिपेन्द्र मेहताले बताएका छन् ।
रोपाइँ महोत्सवमा बर्जु ६ का वडा अध्यक्ष अशोक कुमार चौधरीले खेतमा नै गएर धान रोपाइँ गरेका थिए । ‘जलवायुमैत्री कृषि, धान उत्पादनमा वृद्धि’ भन्ने मुल नाराका साथ बर्जु ६ को राम टोलमा धान दिवस मनाएको मेहताले बताएका छन् । कार्यक्रममा जनप्रतिनिधि,समाजसेवी र किसानहरुको उल्लेख्य सहभागिता रहेको थियो । रोपाइँपछि दहि चिउरा र आँप खाने कार्यक्रम आयोजना गरिएको थियो ।
प्रकाशित मिति: २०२४-०६-२९ , समय : ११:११:२९ , ६ महिना अगाडि
