विराटनगर । राधाकृष्ण रथयात्राको लागि सुरक्षा व्यवस्था कडा बनाएको मोरङ प्रहरीले लुटपाट गर्ने योजना बनाउने करिब १ सय जनालाई पक्राउ गरेको छ । हिजो र आज दुर्ई दिनमा उनीहरुलाई प्रहरीले पक्राउ गरेको हो ।
मोरङ प्रहरीका अनुसार हिजो ४० जना र आज ६० जनालाई नियन्त्रणमा लिइएको हो । रथयात्रामा लुटपाट गर्ने योजना बनाइरहेका उनीहरुलाई पक्राउ गरिएको मोरङ प्रहरीको दाबी छ ।
प्रहरीले लुटपाट गर्न आएका भारतीयहरुलाई समेत नियन्त्रणमा लिएको छ । भारतबाट वीरगञ्ज नाका हुँदै नेपाल प्रवेश गरेका समूहलाई मोरङ प्रहरीले विराटनगरको सीमा क्षेत्रबाट पक्राउ गरेको हो । उनीहरुको फोन कलका आधारमा प्रहरीले पक्राउ गरेको हो ।
प्रकाशित मिति: २०२४-०८-२७ , समय : २०:४१:२८ , ४ महिना अगाडि
