श्रीलंकाले नेपालसहित ३५ देशलाई आफ्नो देशमा भ्रमण गर्नका लागि भिसा नचाहिने घोषणा गरेको छ ।बुधवार राति सामाजिक सञ्जालमार्फत श्रीलंकाका विदेश मन्त्रीले भिसा नचाहिने देशको सूचि सार्वजनिक गर्दै नेपालसहित विभिन्न ३५ देशलाई भिसा फ्रि गरिएको घोषणा गरेका हुन् ।
श्रीलंकाका विदेशमन्त्री एमयूएम अलि साब्रीले सामाजिक सञ्जाल एक्समा उक्त सूची सार्वजनिक गर्दै लेखेका छन्– ‘भिसामुक्त शासनको दिशामा पहिलो कदम ।’भिसा नचाहिने ३५ देशको सूचिमा नेपाल १२औं स्थानमा छ । यो सूचिको पहिलो नम्बरमा बेलायत, दोस्रो नम्बरमा जर्मनी, तेस्रो नम्बरमा नीदरल्याण्ड्स, चौथो नम्बरमा बेल्जियम तथा पाँचौं नम्बरमा स्पेन छ ।
प्रकाशित मिति: २०२४-०८-२२ , समय : ०९:०३:५४ , ५ महिना अगाडि
