विराटनगर : कोशी खेलकुद विकास बोर्डले ८ जना पत्रकारलाई खेलकुद पत्रकारिता सम्मानबाट सम्मानित गरेको छ। आज विराटनगरमा आयोजित अन्तर प्रदेश खेलकुद प्रतियोगिता र १४ औं केन्द्रीय राष्ट्रपति रनिङ शिल्डका पदक विजेता खेलाडी सम्मान कार्यक्रमको अवसर पारेर बोर्डले लामो समय देखि खेलकुद पत्रकारितामा सक्रिय ८ जना पत्रकारलाई सम्मानित गरेको हो।
बोर्डले खेलकुद पत्रकारिता सम्मानबाट नविन अर्याल , भूमिका पाख्रिन , किशोर बुढाथोकी , चुमन बस्नेत , प्रेम देवान राई , भूमिराज पराजुली , पुष्पराज थपलिया र हिमाल खरेललाई सम्मानित गरेको हो ।
सम्मानित खेलकुद पत्रकारहरुलाई कोशी प्रदेश सभाकी उपसभामुख सिर्जना दनुवार , कोशी प्रदेशका सामाजिक विकास मन्त्री पाँचकर्ण राई , कोशी खेलकुद विकास बोर्डका सदस्य सचिव कृष्ण ( पर्शुराम ) बस्नेत लगायतले खादा , प्रमाणपत्र र जनही नगद ११ हजार सहित सम्मान गर्नु भएको थियो ।
खेलकुद विकास बोर्डका सदस्य सचिव बस्नेतले पत्रकारहरुले पत्रकारिता क्षेत्र मार्फत नेपाली खेलकुदको प्रसारप्रचार तथा प्रवर्द्धनमा खेल्नु भएको भूमिकालाई कदर गर्दै सम्मान अर्पण गरेको बताउनु भएको थियो।
प्रकाशित मिति: २०२४-०७-१४ , समय : १५:०५:५४ , ५ महिना अगाडि
