विराटनगर : कोशी प्रदेश खेलकुद विकास बोर्डले भोजपुर जिल्लाको खेलकुद संरचनाको अनुगम तथा निरीक्षण गरेको छ।
आज जिल्लामा कोशी प्रदेश खेलकुद विकास बोर्डका सदस्य सचिव कृष्ण बस्नेत ( पर्शुराम ) नेतृत्वको टोलीले खेलकुद संरचनाहरुको अनुगम तथा निरीक्षण गरेको हो।
बस्नेत नेतृत्वको टोलीले जिल्लाको भोजपुर रंगशाला , षडानन्द कभर्ड हल , उसु हल लगायतको खेलकुद संरचनाको अनुगम तथा निरीक्षण गरेको बोर्डका अधिकृत कालिदास भट्टराईले जानकारी दिनु भयो।
भट्टराईले बोर्डले बोर्ड मातहतका कार्यालय तथा खेलकुद संरचनाको अभिलेखन गर्ने तयारी गरेकोमा कोशी प्रदेशका विभिन्न जिल्लामा रहेको संरचनाको अनुगम तथा निरीक्षण गरिरहेको बताउनु भएको हो।
त्यस्तै , जिल्ला खेलकुद विकास समिति भोजपुरले आयोजना गरेको खेल संघ तथा संस्थाहरुको अन्तरक्रिया कार्यक्रममा बोल्दै सदस्य सचिव बस्नेतले खेलकुद बोर्डले छिट्टैनै सङ्गठन तथा व्यवस्थापन सर्वेक्षण गरेर खेलकुद बोर्ड मातहतका कार्यालयहरुमा प्रशिक्षक तथा कर्मचारी नियुक्ति गर्ने प्रष्ट पार्नु भएको थियो।
प्रकाशित मिति: २०२५-०१-०२ , समय : १८:३६:४६ , ४ दिन अगाडि
