विराटनगर : कोशी प्रदेश खेलकुद विकास बोर्डले संखुवासभामा रहेको खेलकुदका संरचनाको अनुगमन तथा निरीक्षण सम्पन्न गरेको छ।
कोशी प्रदेशका विभिन्न जिल्लाका खेलकुद संरचनाको अभिलेखनको तयारीमा रहेको बोर्डले आज जिल्लामा रहेको खेलकुद संरचनाको अनुगमन तथा निरीक्षण गरेको हो।
बोर्डका सदस्य सचिव कृष्ण बस्नेत ( पर्शुराम ) को नेतृत्वमा गएको टोलीले जिल्लामा रहेको खाँदवारी मैदान , भगिवन्त रङ्गशाला , निर्माणाधीन श्री महेन्द्र माविको मैदान , खाँदवारी कभर्ड हल , उसु कभर्ड हल , निर्माणाधीन क्रिकेट रंगशाला तथा जिल्ला खेलकुद विकास समितिको कार्यलय लगायत संरचनाको निरीक्षण तथा अनुगमन गरेको बोर्डका अधिकृत कालिदास भट्टराईले जानकारी दिनु भयो।
त्यस्तै , जिल्ला खेलकुद विकास समितिको आयोजनामा खाँदवारी नगरपालिकाका मेयर महेश थपलियाको उपस्थितिमा भएको अन्तरक्रियामा बोल्दै बस्नेतले १० औं राष्ट्रिय खेलकुद प्रतियोगिता केन्द्रित तयारीका लागि बोर्डले खेलेको भूमिकाको बिषयमा प्रष्ट पार्नु भएको थियो।
बस्नेतले जिल्लामा रहेका खेलकुद संरचनाको लागि बजेट बिनियोजन गर्न प्रदेश सरकारसँग पहल गर्ने समेत बताउनु भएको थियो।
प्रकाशित मिति: २०२५-०१-०१ , समय : १८:१३:४८ , ३ दिन अगाडि
