मङ्सिर १६ गते हुने स्थानीय तहको उपनिर्वाचनका लागि आज उम्मेदवार दर्ता हुदै छ । निर्वाचन आयोगले आज बिहान १० बजेदेखि अपरान्ह ५ बजेसम्म उम्मेदवारी दर्ताको समय तोकेको छ ।
आयोगले आजै उम्मेदवारी दर्ताको सूची प्रकाशन गर्ने जानकारी दिएको छ भने उम्मेदवारी विरोधमा उजुरी सोमबार १० बजेदेखि ३ बजेसम्म दिन सकिने आयोगले जनाएको छ । त्यस्तै आयोगले मनोनयन पत्र र उजुरीमा जाँच गरेर मंगलबार निर्णय गर्ने छ भने उम्मेदवारको नामावली पनि मंगलबार नै प्रकाशित गर्ने छ ।
त्यस्तै बुधबार उम्मेद्वारी फिर्ता लिने, अन्तिम नामावली प्रकाशित गर्ने र उम्मेदवारलाई चुनाव चिन्ह प्रदान गर्ने कार्यसूची रहेको छ ।
अहिले रक्त रहेका ४४ स्थानीय तहमा उपनिर्वाचन हुन लागेको छ । जसमा जिल्ला समन्वय समितिका प्रमुख दुई, नगरपालिका प्रमुख एक, उपमेयर एक, गाउँपालिका अध्यक्ष दुई, उपाध्यक्ष तीन,र ३५ वटा वडामा वडाध्यक्ष पद रिक्त रहेको छ ।
उपनिर्वाचन हुने स्थनीय तहमध्ये सबै भन्दा धेरै नेपाली कांग्रेसबाट निर्वाचित जनप्रतिनिधि छन् । कांग्रेसबाट निर्वाचित पालिका प्रमुख तीन जना, जिल्ला समन्वय समिति प्रमुख २ जना उपप्रमुख,उपाध्यक्ष तीन जना र वडाअध्यक्ष १६ जना छन् भने नेकपा एमालेबाट निर्वाचित ७ जना वडाअध्यक्ष छन् । माओवादीबाट निर्वाचित २ जना उपाध्यक्ष र ६ जना वडा अध्यक्षको निधन भएको छ भने जसपाबाट निर्वाचित एक जना र स्वतन्त्रबाट निर्वाचित एक जना वडा अध्यक्षको निधन भएको छ ।
प्रकाशित मिति: २०२४-११-१७ , समय : ०७:०२:३९ , १ महिना अगाडि
