राष्ट्रिय सूचना आयोगले देशभकार स्थानीय तहमा कार्यरत प्रमुख प्रशासकीय अधिकृतलाई सूचना अधिकारीको व्यवस्था गर्न निर्देशन दिएको छ ।
आयोगले स्थानीय तहमा सूचनाको हक कार्यान्वयनको अवस्था अध्ययन गरिरहेको भन्दै अधिकांश स्थानीय तहमा यसको अवस्था सन्तोषजनक नभएको बताएको छ ।
आयोगले हरेक स्थानीय तहमा अनिवार्य रुपमा सूचना अधिकारी राख्न र बेग्लै सूचना शाखा स्थापना गर्न भनेको छ । एउटा गैरसरकारी संस्थाको सहयोगमा गरेको अध्ययनलाई हवाला दिदै आयोगले कतिपय स्थानीय तहमा सूचनाको हक कार्यान्वयन नभएको भनेको छ । तर देशभरका सबै स्थानीय तहले सूचना अधिकारीको अनिवार्य व्यवस्था भने गरेका छन् ।
आयोगले सूचना अधिकारीलाई तालिम, बैदशिक भ्रमण, अवलोकन भ्रमण लगायतमा प्राथमिकतामा राख्न पनि भनेको छ ।
प्रकाशित मिति: २०२४-१०-२५ , समय : ०८:४४:४२ , २ महिना अगाडि
