पहिलो टी-२० आईमा नेपालले अमेरिकालाई १६५ रनको लक्ष्य प्रस्तुत गरेको छ । अमेरिकाको टेक्सासस्थित ग्रान्ड प्रिएरी रंगशालामा शुक्रबार बिहान टस हारेर पहिला ब्याटिङ गरेको नेपालले निर्धारित २० ओभरमा ९ विकेट गुमाएर १६४ रन बनाएको हो ।
नेपालका लागि कप्तान रोहित पौडेलले सर्वाधिक ४९ रन जोडे । दीपेन्द्रसिंह ऐरीले २८ रन बनाए । आसिफ शेख र अनिलकुमार शाहले ४८ रनको साझेदारी गर्दै नेपाललाई राम्रो शुरूआत दिलाएका थिए । अनिल र आसिफ २७-२७ रन जोडेर आउट भए । नेपालले पछिल्लो ७ बलमा ५ विकेट गुमाएको थियो ।
दोस्रो खेल आइतबार बिहान र तेस्रो तथा अन्तिम टी-२० आई सोमबार बिहान हुनेछ । यो सिरिजपछि नेपाल, अमेरिका र स्कटल्यान्डबीच लिग-२ का खेल हुनेछन् । लिग-२ सिरिज २५ अक्टोबरदेखि डालास मै शुरू हुनेछ ।नेपाली टोली क्यानडामा लिग २ र टी-२० आई सिरिज खेलेर अमेरिका गएको हो ।
प्रकाशित मिति: २०२४-१०-१८ , समय : ०७:४३:३० , २ महिना अगाडि
