काठमाडौं महानगरपालिकाबाट सरुवा भएर जानुभएका प्रमुख प्रशासकीय अधिकृत प्रदीप परियारले शुक्रबार प्रमुख बालेन्द्र शाह (बालेन) लाई ‘प्रमुख प्रशासकीय अधिकृतको प्रगति प्रतिवेदन’ बुझाएका छन् ।
आफ्नो कार्यकाल ७ महिना २५ दिनमा भए गरेका महत्वपूर्ण कामको विवरण प्रतिवेदनमा समावेश गरिएका छन् । सरुवा भएर जाँदा आफूसँग भएका अभिलेख तथा संस्थागत सूचना र सम्पन्न कामको अभिलेखन हस्तान्तरण प्रणाली थालनी गर्दै संस्थागत सुदृढीकरणमा सहयोग हुने अपेक्षा राखेर उनले प्रतिवेदन बुझाएका हुन् ।
प्रतिवेदन ग्रहण गरिसकेपछि प्रमुख शाहले प्रमुख प्रशासकीय अधिकृत परियारका कामको प्रशंशा गर्दै मायाको चिनो प्रदान गरेका थिए ।
नेपाल सरकार, मन्त्री परिषदको भदौ २७ गतेको निर्णयअनुसार परियार सञ्चार तथा सूचना प्रविधि मन्त्रालयमा सरुवा भएर गएका छन् । भदौ ३० गते संघीय मामिला तथा सामान्य प्रशासन मन्त्रालयले सरुवाको पत्र पठाएको थियो ।
प्रकाशित मिति: २०२४-०९-२१ , समय : ०६:३८:३६ , ३ महिना अगाडि
