अमेरिकाको टेक्ससस्थित ह्युस्टन शहरमा अध्ययनरत भोजपुरकी एक नेपाली छात्राको गोली हानेर हत्या भएको छ ।
भोजपुर घर भएकी करिब २१ वर्षीया मुना पाण्डे ह्युस्टनको हिलक्रप्ट नजिकैको अपार्टमेन्टमा गोली लागेर हत्या भएको पाइएको नेपाली एसोसिएसन अफ ह्युस्टनका उपाध्यक्ष द्रोण गौतमले जानकारी दिनुभयो । मुनाको छातीमा गोली लागेको पाइएको उहाँले जानकारी दिनुभयो । यो घटनाका विषयमा प्रहरीले अनुसन्धान गरिरहेको छ ।
मृतक एफ वान भिसामा ‘इन्टरनेसनल स्टुडेण्ट’को रुपमा सन् २०२१ मा अमेरिका पुगेकी थिइन् । पाण्डे ह्युस्टन कम्युनिटी कलेजमा अध्ययनरत थिइन् ।
प्रकाशित मिति: २०२४-०८-२८ , समय : ०९:५३:२१ , ४ महिना अगाडि
